قرب العيد والكل يبحث عن صنع الكعك والبسكويت بااسهل الطرق واسرعها،،ثلاث طرق لعمل البسكويت بكل سهوله..

طريقه الكوكيز الاقتصادي
الكمية من 30 / 35 حبة

درجة الحرارة / 180°
مدة الطهي / 15 دقيقة
المقادير :

1-كوب عسل اسود
2-بيضه واحده
3-كيس فانيليا
4-نص كوب زبدة
5-ثلاثه ونص كوب دقيق
6- معلقة صغيرة بيكنج باودر
7- تشوكليت شيبس

الطريقة :

نضع كوب العسل في وعاء مع البيضه و الفانيليا والزبدة ونقلب جيدا كله مع بعض ثم نضيف كوب من الدقيق الي الخليط ونقلب وبعد اول كوب نحط معلقة البيكنج باودر وبعد ذلك نحط كوب الدقيق الثاني ونقلب والثالث ونقلب وهكذا لحد ما العجينه تكون طريه وماتلصق في اليد نكورها ونضغط عليها ونزينها بالشوكليت شيبس وتخبز في الفرن علي الرف الاوسط …
وبالعافية…

بسكويت العشر دقائق المقرمش

درجة الحرارة / 180°
مدة الطبخ / 10 دقائق

المقادير :

  • نص كوب زيت
  • نص كوب سكر ناعم ونص خشن …
  • كيس فانيليا
  • بيضه
  • كوب ونص دقيق
  • نص ملعقة بيكنج بودر
  • ملعقة كاكاو

الطريقه:

نحط البيضه والفانيليا والسكر والزيت في طبق ونقلبهم بالمضرب اليدوي لحد م السكر يدوب وبعدين نضيف كوب ونص دقيق و البيكنج بودر ونعجن ونقسم العجينه نصين ونص نضيف عليه معلقة كاكاو ومعلقة لبن ونعجنهم ونكورهم كور صغيره زي الليمونة الصغيرة مش كبيره لانها بتفرد ف الصنيه ونحط الكور في السكر الخشن ونوسع بين كل كوره والتانيه علشان ماتلتصق في بعض ونشكلهم بالمنقاش او بسن المعلقه ونحطهم ف الفرن…

بسكويت الشوفان بالشوكولاته
درجة الحرارة / 170°
مدة الطبخ / 15 دقيقة

المقادير :

  • كوب دقيق
  • نص كوب شوفان
  • ١٠٠ جرام زبده مع زيت ويفضل تكون الزبده أقل من نص كوب والباقي ز يت ) يعني اصبع زبدة – ربع كوب زيت
  • ربع كوب لبن
  • نص كوب سكر بودر
    معلقه ص ممسوحه بيكنج بودر
  • تشوكليت شيبس

الطريقه :

علي نار هاديه حمصت الشوفان وده سر القرمشه والطعم واللون ويترك حتي يبرد ثم نطحنه نص طحنه لازم يكون خشن وخلطه مع الدقيق والبكنج بودر
الزبده لازم تكون بحرارة الغرفه، وطريه جدااا نضربها جيدا. مع السكر ونضيف اللبن ونضر بها مرة اخري حتي تصبح كريميه ثم نضيف خليط الدقيق ولو احتاجت دقيق نزيد دقيق عادي مش شوفان نلم العجين بدون عجن ونتركها ترتاح ربع ساعه في التلاجه وشكلها بنلعقة الايسكريم (شكل مش منتظم) ورشيت تشوكليت شيبس ع الوجه تدخل الفرن الساخن لحد ما يستوي وبالعافية عليكم…