عزيزي القارئ …عزيزتي القارئة ..اخترنا لكم موضوع غاية في التشويق ..غاية في التأثير. .وحينما تقرأونه أؤوكد لكم متصفحي موقعنا الكرام انكم ستتأثرون عاطفيا وايجابيا في تعاملاتكم كطرفي العلاقة الانسانية الرجل والمراءة وستنجحون في حل المشاكل او المشكلة الكبرى التي يطغى عليها الجزء الطماع في نفسياتنا التي تبحث عن الأفضل دائما طمع ورغبة بعد او اثناء او خلال الارتباط ..
( انا أستاهل ..افضل منك أو احلى أو أستحق احسن منك)…
(يدور موضوع المقالة حول هذه الجملة ..ولنبدئها معكم بخير البدايات .)…
بسم الله الرحمن الرحيم. .
نظريه ال80% وال 20%
سمعت مره حد بيقول ” احنا كلنا جوانا جزء طماع بس الذكي هو اللي يقدر يتغلب علي الجزء دا “
اعرف اتنين كانوا مرتبطين بقالهم كتير و مرة واحدة وبدون اي مقدمات البنت قررت تنهي العلاقة دي بدون اي سبب و كان ردها ” أنا أستاهل حد أحسن ” برغم ان الولد دا كان محترم جدا و بيحبها و مقصرش معاها ف حاجة ..
دايما ف المسلسلات لما واحد يسيب مراته مع انها كويسة معاه و يروح لواحدة غيرها يقولوا ” دا ميملاش عينه الا التراب “
تسمعوا عن نظرية اسمها نظرية ال 80 % و ال 20% ؟!
النظرية دي بتقول إن أي علاقة ناجحة أو سوية .. الطرف الواحد فيها مش بيقدر يحصل علي اكتر من 80 % من الطرف التاني ..
ال80% دول بيبقوا حب و احترام و تشجيع و مشاركة و حاجات تانية كتير ….
غالبآ حياتكم بتبقي ماشية كويس وملح وسكر لحد ما يظهر الشخص التالت اللي معاه ال 20% اللي ناقصين
ف يبدأ يبهرك لانه بيملك حاجات ( ال 20% ) مش بيملكها الطرف التاني ( اللي بيملك ال 80% ) ..
و تلاقي نفسك من غير ما تحس ومن غير متشعر بدأت تروح ورا الشخص اللي معاه ال 20% و تنجذب ليه .. و تنسي الطرف التاني اللي كان معاك .. ومعاه ال 80%
بس بعد ما يعدي فترة .. وتصحى بتعرف انك كنت غلطان و ان ال 20% دول مش بيشبعوا احتياجاتك الكتير .. بس للأسف بيكون وقتها ال 80% راحوا و صعب وأحيانا مستحيل ترجعهم تاني ..
احنا كلنا جوانا جزء طماع … و جزء تاني راضي بأي حاجة
الاتنين بيكملوا بعض و بيعملوا توازن يساعدنا اننا نختار صح ..
بس أول ما التوازن دا بيختفي .. بيتحكم فينا جزء واحد بس ..
ف نبدأ نطمع و نشوف نفسنا نستاهل أحسن ونستأهل أفضل و ننجذب لل 20% اللي ناقصانا ..
او نرضي بحاجات أقل من ال 80% و نيجي علي نفسنا بنسبة كبيرة ف نكمل حياتنا مع حد ميستاهلناش ..مع غلطة عمر محسبنهاش .
الحب او الارتباط عامًة عمره ما كان بيتقاس ب مين الأحسن أو مين الأفضل… لانك دايما وأكيد هتلاقي احسن من الطرف اللي انت مرتبط بيه .. و ممكن جدا تقابل شخص ناجح اكتر او مثقف اكتر او عاقل اكتر …
بس هو بيتقاس بنسبة ال 80% الشخص اللي قدامك اللي معاك ( دا بيعمل اللي يقدر عليه عشان يسعدك ؟!) واللي معاك ده… بني آدم سوي عنده مميزات و عيوب بس مميزاته اكتر من عيوبه ؟ 80%..
بيشجعك و بيحترم قراراتك ؟ والموضوع ده سواء كنت متجوز والا خاطب والا لسه عايز ..وتفكر…
-اسئلة كتير بتبين الشخص دا سوي و مناسب ولا لأ ..
اول ما تلاقي ال 80% .. حافظ عليهم و متسيبهمش و تروح لل 20% اللي ناقصينك ..
عشان مفيش حد فينا كامل..”
عشان مفيش حد فينا كامل..”
عشان مفيش حد فينا كامل..”